" [ [exams ]
:
قربت الأختبارات و كلها كم يوم و تعلن في البيوت حالات الطوارئ
و يبدأ تعويض الأهمال طول الفصل بـ سهر و مذاكره و شدة حيل
و ترك الممنوعات و المحظورات في هالفتره ..
نت , تلفزيون , طلعات
و تتوقف جميع النشاطات الأجتماعيه
طبيعي لأن عندنا حاله استنفار !
بهالوقت كلنا محتاجين لـ نصايح , دفعات معنويه , تقليل من الضغوطات الي نواجهها =)
:
لكن قبل لا نبدأ بالنصايح راح نعرف ايش الضغوطات النفسيه
الي ممكن تواجهنا بفترة الأمتحانات و كيف نقدر نتغلب عليها
الضغوطات النفسيه الي نواجهها كثير ومنها /* قلة الوقت و كثرة المواد
* أنك تكون في بيئه كلها توتر و مشاكل
* الخوف من الفشل
* عدم الأستعداد لا نفسياً و لا فعلياً للأختبارات !
:
طيب كيف نتغلب على الضغوطات هذي و نخلي نفسيتنا توب ؟
حلو وصلتوا خير
* أول و أهم نقطه لازم تزرع ثقتك بنفسك و أنك متأمل خير و راح تقدر تذاكر و تاخذ الفل مارك , لأنك لو أحبطت نفسك ماراح تحصل غير ضغط نفسي بالتالي نتيجه سيئه بالاختبار !
* ثاني نقطه و قبل الاختبارات بكم يوم ’ حاول تعمل جدول ترتب فيه افكارك و تذاكر لك كم فصل قبل يوم الاختبار عشان يسهل عليك مهمة الأستذكار و بكذا تقلل الضغط عليك
* حاول تهيئ لنفسك مكان مريح بالبيت عشان تذاكر فيه , بعيد الأزعاج و الأشياء الي ممكن تشتت انتباهك !!
* انتبه لـ أكلك بهالفتره ما سمعتوآ باللي يقول العقل السليم في الجسم السليم !
* ابعد عن السهر و لا تقرب له لأنه أول عامل للتوتر و الأكتئاب
من النصايح الي ممكن تاخذها بعين الأعتبار /
* هدي خوفك و زيد ثقتك بنفسك و أبعد الشرود و الخمول عنك بـ كاسة حليب أو قهوه
* تأكد أنك تفهم الي قاعد تقراه و أنك تستوعب المقصود منه , مو بس تقرا و انتهينا
* أذا بديت مراجعه لا تحاول تراجع من مراجع جديده أو ما مرت عليك لأنك بتتلخبط !!
* لخص الي ذاكرته من تعاريف و مصطلحات و نظريات وقوانين عشان تسهل عليك
* تعلم كيف تسترجع و تتذكر معلوماتك , بمعنى آخر درب نفسك على استرجاع الأفكار من عقلك
* علم نفسك كيف تقدر تربط الأفكار ببعض و كيف تفرق بين القوانين و المصطلحات بـ حاجات قريبه لفهمك < يا كثر ما أسويها
* أحرص على جدولك الزمني و هذا معناته مافي لخبطه ومافي سهر
* أعطي نفسك حقها من الرآحه و الوناسه , ولنفسك عليك حق
* حاول تروح لمكان امتحانك مبكر اريح لك نفسياً
* لا تحاول تراجع في اللحظات الاخيره لأنها غالبا ما تلخبط !
* انتبه لصيغة السؤال و للكلمات و العبارات الي تصاغ منها الأسئله و افهم مطلب السؤال
* انتبه لفروض طآعاتك و ما تهملها < هذا مو معناته انك ما تصلي الا بالاختبارات !
#قبل المذاكرة: اللهم إني أسألك فهم النبيين، و حفظ المرسلين، و الملائكة المقربين،
اللهم اجعل ألسنتنا عامرة بذكرك، و قلوبنا بخشيتك،
و أسرارنا بطاعتك، إنك على كل شيء قدير،
حسبنا الله و نعم الوكيل..
#بعد المذاكرة:اللهم إني أستودعك ما قرأت و ما حفظت و ما تعلمت،
فرده عند حاجتي إليه، إنك على كل شيء قدير، حسبنا الله و نعم الوكيل..
#يوم الامتحان:اللهم إني توكلت عليك، و سلمت أمري إليك,
لا ملجأ و لا منجا منك إلا إليك..
#دخول القاعة:رب أدخلني مدخل صدق، و أخرجني مخرج صدق، واجعل لي من لدنك سلطانا نصيرا.
#قبل البدء بالحل:رب اشرح لي صدري، و يسر لي أمري, و احلل عقدة من لساني يفقهوا قولي، بسم الله الفتاح,
اللهم لا سهل إلا ما جعلته سهلا و أنت تجعل الحزن متى شئت سهلا
يا أرحم الراحمين..
#اثناء الامتحان:لا إله إلا أنت سبحانك إني كنت من الظالمين, يا حي يا قيوم برحمتك أستغيث, رب إن مسني الضر
وإنت أرحم الراحمين..#عند النسيان:اللهم يا جامع الناس ليوم لا ريب فيه اجمع علي ضالتي..#بعد الانتهاء:الحمد لله الذي هدانا لهذا و ما كنا لنهتدي لولا أن هدانا الله..
هذي شوية ستآمبز و توآآقيع